Hali ya hatari kwa kijusi inarejelea ishara kabla na wakati wa kujifungua zinazoonyesha kuwa kijusi hakiko sawa.
Hali ya hatari kwa kijusi ni tatizo lisilo la kawaida wakati wa uchungu wa uzazi. Kwa kawaida hutokea wakati kijusi kimekuwa hakipati oksijeni ya kutosha.
Hali ya hatari kwa kijusi inaweza kutokea wakati
Ujauzito umechukua muda mrefu sana (baada ya kukomaa).
Matatizo mengine ya ujauzito au uchungu wa uzazi (kama vile uchungu sana au wa haraka sana) yanapotokea.
Kwa kawaida, madaktari hutambua hali ya hatari kwa kijusi kulingana na mpangilio usio wa kawaida wa mapigo ya moyo ya kijusi. Wakati wote wa uchungu wa uzazi, mapigo ya moyo ya kijusi hufuatiliwa. Kwa kawaida hufuatiliwa mfululizo kwa kutumia kifaa cha kielektroniki cha kufuatilia moyo wa kijusi. Au kifaa cha Doppler cha kipimo cha picha kinachotumia mawimbi ya sauti kinaweza kutumika kuangalia mapigo ya moyo kila baada ya dakika 15 wakati wa hatua za mwanzo za uchungu na baada ya kila mbano wa misuli wakati wa hatua za mwisho za uchungu.
Ikiwa hitilafu kubwa katika mapigo ya moyo itagunduliwa, kwa kawaida inaweza kurekebishwa kwa mambo yafuatayo:
Mwanamke kupewa oksijeni
Kuongeza kiasi cha kiowevu anachopewa kupitia mshipa wa damu
Kumgeuza mwanamke upande mmoja au mwingine
Je, Ulijua...
|
Kubana kwa misuli ambako ni kwa nguvu sana na/au kunakofuatana kwa karibu sana kunaweza kusababisha hali ya hatari kwa kijusi. Ikiwa oxytocin ilitumiwa kuchochea kubana kwa misuli, husitishwa papo hapo. Mwanamke anaweza kubadilishwa mkao na kupewa dawa za kutuliza maumivu. Ikiwa hakuna dawa iliyotumiwa kuchochea misuli kubana, mwanamke anaweza kupewa dawa inayoweza kupunguza uchungu (kama vile terbutaline, inayotolewa kwa sindano) ili kusitisha au kupunguza kasi ya kubana kwa misuli.
Ikiwa hatua hizi za kurekebisha mapigo ya moyo ya kijusi au kudhibiti kubana kwa misuli hazitafanya kazi, mtoto hutolewa haraka iwezekanavyo kwa kutumia kifaa cha kuvuta, koleo au kujifungua kwa njia ya upasuaji.
