Wanawake wengi ambao wana ugonjwa wa kifafa kinachodhibitiwa viuri kwa dawa za kuzuia kifafa wanaweza kumzaa mtoto mwenye afya njema kwa usalama. Ikiwa wanawake hawa hupata usingizi wa kutosha na kutumia dawa za kupunguza kifafa katika vipimo vinavyofaa, idadi ya vifafa kwa kawaida haiongezeki wakati wa ujauzito, na matokeo ya ujauzito kwa kawaida huwa mazuri. Hata hivyo, wanawake hawa wana uwezekano mdogo wa kuwa na
Preeclampsia (aina ya shinikizo la juu la damu ambalo hutokea wakati wa ujauzito)
Kijusi ambacho hakikui sana kama ilivyotarajiwa (mdogo kwa umri wa ujauzito )
Kwa upande mwingine, kutumia dawa za kuzuia kifafa huongeza hatari ya kupata kasoro za kuzaliwa nazo (tazama jedwali ) na inaweza kupunguza kwa kiasi akili ya mtoto. Hata hivyo, hatari hizi zinaweza kuongezeka kutokana na ugonjwa wa kifafa na pia kwa kutumia dawa za kuzuia kifafa.
Kumeza dawa fulani za kuzuia kifafa (kama vile phenytoin, carbamazepine, au phenobarbital) wakati wa ujauzito huongeza hatari ya ugonjwa wa kutokwa na damu kwa mtoto mchanga (ambao husababisha tabia ya kutokwa na damu kwa urahisi). Hata hivyo, ikiwa wanawake hutumia vitamini vya ujauzito vyenye vitamini D na ikiwa vitamini K vinapewa mtoto mchanga, ugonjwa wa kutokwa na damu hutokea mara chache.
Kwa hivyo, wanawake walio na ugonjwa wa kifafa wanapaswa kuzungumza na mtaalamu katika nyanja hio kuhusu jinsi ya kusawazisha hatari za kutumia dawa za kuzuia vifafa na hatari za kupata vifafa, ikiwezekana kabla ya kupata mimba. Baadhi ya wanawake wanaweza kuacha kutumia dawa za kuzuia kifafa wakati wa ujauzito, lakini wanawake wengi wanapaswa kuendelea kutumia dawa hizo. Hatari inayotokana na kutotumia dawa hizo—kifafa cha mara kwa mara, ambacho kinaweza kumdhuru mtoto mchanga na mwanamke—kwa kawaida huzidi hatari zinazotokana na kutumia dawa za kuzuia kifafa wakati wa ujauzito.
Madaktari huagiza kipimo cha chini kabisa cha dawa za kuzuia kifafa na hutumia dawa chache tofauti za kuzuia kifafa kadri iwezekanavyo. Wanawake wanaotumia dawa za kupunguza mshtuko wanahitaji kutumia kipimo kikubwa cha virutubisho vya asidi ya foliki kila siku. Kwa hakika, inaanza kabla hawajapata mimba. Kuchukua virutubisho vya foliki husaidia kupunguza hatari ya kupata mtoto mwenye kasoro ya kuzaliwa.
Kujifungua kwa njia ya uke kwa kawaida kunawezekana. Kujifungua kwa njia ya upasuaji hufanywa tu ikiwa wanawake wanapata kifafa mara kwa mara wakati wa uchungu wa kujifungua au matatizo mengine yanatokea na kuhitaji.
