Uvimbe wa tezi ya skene hujitokeza karibu na urethra ambapo mifereji inayoelekea kwenye tezi ya Skene huziba.
Uvimbe wa tezi ya skene hutokea mara chache.
Watu wengi walio na uvimbe wa tezi ya Skene hawahisi dalili au sonona ndogo tu.
Uvimbe mkubwa unaweza kusababisha maumivu wakati wa ngono au wakati mwingine wakati wa kukojoa.
Kwa kawaida madaktari wanaweza kutambua uvimbe huu wakati wa uchunguzi wa fupanyonga, lakini wakati mwingine ultrasound au cystoscopy hufanyika ili kuthibitisha utambuzi wa ugonjwa.
Uvimbe unaosababisha dalili unaweza kuondolewa.
Mara chache, usaha hujitokeza na hutibiwa kwa viua vijasumu, kisha kuondolewa kwa uvimbe au kutengeneza uwazi wa kudumu kwenye uvimbe.
Tezi za skenem, pia huitwa tezi za periurethral au paraurethral, huwa katika uwazi wa urethra.
Anatomia ya Uzazi wa Kike wa Nje (Vulva)
Picha hii inaonyesha sehemu za nje za eneo la uzazi la mwanamke, ikijumuisha uke (ulio na tishu za misuli), uwazi wa urethra (ambapo mkojo hutolewa), na miundo inayozunguka kama vile labia na kisimi. Inaangazia pia tezi zinazosaidia kulainisha na maeneo yanayohusika na hisia za ngono, kama vile tezi za Bartholin, tezi za Skene, na tishu za uume kama vile balbu ya vestibular na crura ya kisimi. BO VEISLAND/MAKTABA YA PICHA YA SAYANSI |
Uvimbe wa tezi za skene hutoka mara chache na hutokea zaidi kwa watu wazima. Hujitokeza ikiwa mrija unaoelekea kwenye tezi umeziba. Ikiwa uvimbe huu umeabukizwa, maambukizi ya njia ya mkojo yanaweza kujitokeza.
Dalili za Uvimbe wa Tezi ya Skene
Uvimbe mwingi wa tezi ya Skene hauzidi inchi 1/2 (takribani sentimeta 1) kwa kipenye na haisababishi dalili zozote. Baadhi ya uvimbe huwa mkubwa zaidi na husababisha maumivu wakati wa ngono. Wakati mwingine uvimbe husababisha maumivu wakati wa kukojoa. Ikiwa ni mkubwa sana, uvimbe unaweza kuzuia mkojo kutoka kupitia urethra. Katika hali hizo, dalili za kwanza zinaweza kuwa kusita kwa mkojo unapoanza, na kutoka kidogo mwishoni na mkojo kugoma kutoka. Ikiwa maambukizi ya njia ya mkojo yatajitokeza, wanawake wanaweza kuwa na hali ya kukojoa mara kwa mara, ghafula na maumivu wakati wa kukojoa.
Mara chache, uvimbe wa tezi ya Skene huambukizwa na kutengeneza usaha. Sehemu yenye usaha huwa laini, yenye uchungu na kuvimba. Ngozi ya juu ya mirija huwa nyekundu. Wanawake wengi huwa hawahisi homa.
This photo shows a Skene gland cyst (swelling at center left) in the vagina.
DR P. MARAZZI/SCIENCE PHOTO LIBRARY
Utambuzi wa Uvimbe wa Tezi ya Skene
Uchunguzi wa Fupanyonga
Wakati mwingine ultrasound au cystoscopy
Wakati wa uchunguzi wa fupanyonga, kwa kawaida madaktari wamaweza kuhisi uvimbe wa tezi ya Skene au usaha ikiwa uvimbe huo ni mkubwa kiasi cha kusababisha dalili. Hata hivyo, kipimo cha picha kwa kutumia mawimbi ya sauti au mpira laini wa kuangalia kibofu (cystoscopy) vinaweza kutumika kuthibitisha utambuzi wa ugonjwa.
Matibabu ya Uvimbe wa Tezi ya Skene
Kuondoa au kufanya upasuaji mdogo wa uvimbe
Kwa usaha, viua vijasumu, kisha uondoaji wa uvimbe au kutengeneza uwazi wa kudumu kwenye uvimbe huo.
Ikiwa uvimbe wa tezi ya Skene unasababisha dalili, huondolewa, mara nyingi katika ofisi ya daktari au chumba cha upasuaji. Kwa kawaida katika ofisi, ganzi hutumika. Au upasuaji mdogo unaweza kufanyika. Katika hatua hii, madaktari hukata sehemu ndogo kwenye uvimbe na kushona kingo za ndani za uvimbe kwenye eneo la vulva. Marsupialization hutengeneza uwazi wa kudumu kwenye uvimbe ili uvimbe uweze kutoa maji inapohitajika. Utaratibu huu hufanywa katika chumba cha upasuaji. Wakati mwingine nusukaputi ya jumla inahitajika.
Kwa usaha, viua vijasumu hutolewa kupitia mdomo kwa siku 7 hadi 10. Kisha, uvimbe huondolewa. Au upasuaji mdogo hufanyika.
