Uchungu wa kuzaa unaoendelea polepole unaweza kuhusisha kupanuka kwa shingo ya kizazi au mjongeo wa kijusi kupitia njia ya uzazi (uchungu ulioendelea) au kusimama kabisa katika maendeleo ya uchungu (uchungu uliokamatwa).
Sbabu za uchungu wa kujifungua ambao unaendelea taratibu sana hujumuisha yafuatayo:
Kijusi ni kikubwa sana kuweza kujongea kwenye njia ya uzazi (nyonga na uke)
Njia ya uzazi ni ndogo sana
Mikazo ya mji wa mimba ni dhaifu sana au mara nyingi haitoshi kufanya kijusi kijongee
Wakati mwingine, mikazo inakuwa migumu sana inakaribiana pamoja
Madaktari wanakadiria ukubwa wa kijusi na njia ya uzazi na kuangalia mkao wa kijusi. Pia wanaangalia nguvu na muda wa mikazo. Sababu hizi zinaamua matibabu.
Ikiwa njia ya uzazi ni kubwa vya kutosha kwa kijusi lakini uchungu hauendelei, mwanamke anapewa oksitosini kwa njia ya mishipa ili kuchochea mji wa mimba ukaze kwa nguvu zaidi. Ikiwa oksitosini haijafanikiwa, kujifungua kwa njia ya upasuaji kunaweza kuhitajika. Au ikiwa mtoto tayari yupo kwenye mkao wa kujifungua kifaa cha kuvuta mtoto au koleo kinaweza kutumika.
Ikiwa kijusi ni kikubwa sana au njia ya uzazi ni ndogo sana kwa kijusi kupita kwenye njia ya uzazi, kujifungua kwa njia ya upasuaji hufanyika.
