Mupirocin ni kiuakijasumu kinachotumika kutibu impetigo na baadhi ya maambukizi ya ngozi ya bakteria na kuondoa staphylococci kwenye pua. Kiuakijasumu hiki hufanya kazi kwa kuingilia uzalishaji wa bakteria wa protini zinazohitaji ili kukua na kuongezeka.
Mupirocin inapatikana tu kama marashi.
Wataalamu wa afya wanaweza kupendekeza kupaka mupirocin ndani ya pua ili kuondoa staphylococci kwenye pua. Hata hivyo, kwa sababu ya matumizi kupita kiasi mupirocin inaweza kusababishausugu, kiuakijasumu hiki hutumika tu wakati ambapo watu wana uwezekano wa kupata maambukizi. Kwa mfano, hutolewa kwa watu kabla ya upasuaji fulani au kwa watu wanaoishi katika nyumba ambayo maambukizi ya ngozi yanaenea.
Baadhi ya madhara ya kawaida ya mupirosini ni kuwasha na kuchoma.
(Angalia pia Muhtasari wa Dawa za kuua bakteria.)
