Miguu ya inayopinda inje na inayopinda ndani ni aina 2 kuu za mabadiliko ya umbo la magoti. Ni kasoro za kuzaliwa nazo.
Kasoro za kuzaliwa nazo, pia zinajulikana kama hali zisizo za kawaida wakati wa kuzaliwa, ni kasoro za kimwili zinazotokea kabla ya mtoto kuzaliwa. "Congenital" ina maana "iko wakati wa kuzaliwa." (Angalia pia Utangulizi wa Kasoro za Kuzaliwa kwa Mifupa, Viungo na Misuli.)
Miguu inayopinda inje
Katika miguu inayopinda nje (pia huitwa genu varum), miguu inaonekana kupinda nje kwenye magoti hivyo magoti yanatenganishwa zaidi kuliko kawaida. Muonekano huu kawaida husababishwa na nafasi ya miguu kwenye uterasi kabla ya kuzaliwa.
Tatizo hili ni la kawaida miongoni mwa watoto wachanga na kwa kawaida hutoweka bila matibabu mtoto anapofika umri wa miezi 18. Ikiwa miguu inayopinda nje inaendelea kuwa au kuwa mbaya zaidi, madaktari wanahitaji kuondoa ugonjwa wa matege au magonjwa mengine ya umetaboli ya mifupa.
This photo shows a young child with bowlegs (genu varum), especially of the left leg. In bowlegs, the knees appear rotated away from each other.
Madaktari wanaweza pia kushuku ugonjwa wa Blount, ambao husababishwa na tatizo la sehemu ya ukuaji kwenye muundi wa mguu (muundi goko). Ugonjwa huu unaweza kuathiri mguu mmoja au miguu yote miwili. Mara nyingi, huonekana baada ya mwaka wa kwanza wa maisha. Hata hivyo, inaweza kukua katika ujana kwa watoto walio na uzani wa kupita kiasi. Utambuzi wa mapema wa ugonjwa wa Blount ni mgumu kwa sababu tatizo linaweza lisionekane kwenye eksirei. Matumizi ya mapema ya mabanzi au viunzi vya miguu yanaweza kuwa na ufanisi yakianza kutumika kwa watoto walio chini ya umri wa miaka 3 wenye ugonjwa wa Blount. Watoto wakubwa wanaweza kutibiwa kwa upasuaji.
Miguu inayopinda ndani
Miguu inayopinda ndani (pia huitwa genu valgum), ni nadra zaidi kuliko miguu iliyopinda nje. Katika miguu inayopinda ndani, magoti huelekea upande wa ndani. Hata kama ni kubwa, miguu inayopinda ndani kwa kawaida hujirekebisha bila matibabu mtoto anapofikisha umri wa miaka 9.
Watoto walio na umri wa zaidi ya miaka 10 walio na maumivu makali ya goti wanaweza kuhitaji upasuaji.
This photo shows an adolescent boy who has knock-knees (genu valgum), which causes the knees to point inward.
