Ishara za ADHD

Dalili zote hazihitaji kuwepo ili kugundua ugonjwa wa upungufu wa makini na utendaji wa kupita kiasi (ADHD). Hata hivyo, dalili 6 au zaidi za kukosa usikivu au za utendaji wa kupita kiasi na msukumo wa ghafla sharti ziwepo kila wakati ili kutambua ugonjwa huu (au 6 kutoka kila kundi ili kutambua aina ya jumla ya ADHD). Dalili ni sharti ziwepo katika mazingira mawili au zaidi (kwa mfano, nyumbani na shuleni) na sharti ziathiri utendaji wa kijamii au kitaaluma.

Dalili za kukosa usikivu:

• Mara nyingi hukosa kuzingatia kwa makini maelezo madogo.

• Anatatizika kudumisha usikivu katika kazi na michezo

• Haonekani kusikiliza anapozungumzwa moja kwa moja

• Mara nyingi hafuati maagizo na hukosa kumaliza kazi

• Mara nyingi hutatizika kupanga kazi na shughuli

• Mara nyingi huepuka, hapendi, au husita kufanya kazi zinazohitaji juhudi endelevu za kiakili

• Mara nyingi hupoteza vitu

• Hukengeushwa kwa urahisi na vichocheo vyingine visivyo muhimu

• Huwa msahaulifu

Dalili za utendaji wa kupita kiasi na msukumo wa ghafla:

• Mara nyingi huchezesha mikono au miguu au hujigeuzageuza kwa kukosa utulivu

• Mara nyingi huondoka kwenye kiti darasani na sehemu nyingine

• Mara nyingi hukimbia au kukwea juu ya vitu kupita kiasi

• Anatatizika kucheza au kushiriki katika shughuli za burudani kwa utulivu

• Mara nyingi huwa anatembeatembea au kama “anaendeshwa na injini”

• Mara nyingi huzungumza kupita kiasi

• Mara nyingi hujibu maswali kwa ghafla kabla maswali hayajakamilika

• Mara nyingi hutatizika kusubiri zamu yake

• Mara nyingi hukatiza au kuingilia shughuli za wengine