Sikio la kati ni nafasi tupu nyuma ya kiwambo cha sikio lako. Sikio la kati lina mifupa 3 midogo ambayo husambaza mitetemo ya kiwambo cha sikio hadi kwenye neva za sikio la ndani.
Bomba lako la eustachian huunganisha sehemu ya nyuma ya koo lako na sikio lako la kati.
Mfereji wa sikio lako ni mrija unaounganisha sehemu ya nje ya sikio lako na kiwambo cha sikio.
Ndani ya Sikio
Otitis midia ya serasi ni nini?
Otitis miidia ya serasi ni mkusanyiko wa majimaji kwenye sikio lako la kati, kwa kawaida ni baada ya sikio la kati kupata maambukizi (Otitis midia ya serasi).
Ingawa inaweza kutokea baada ya maambukizi ya sikio, majimaji haya ya maambukizi ya sikio la kati hayana maambukizi.
Maambukizi ya majimaji kwenye sikio la kati yanaweza kutokea katika umri wowote lakini huwapata zaidi watoto
Unaweza kuhisi kuvimba sikioni na kupoteza uwezo wa kusikia
Daktari hutazama sikioni mwako na kutumia kipimo cha mawimbi ya sauti kubaini ikiwa pana majimaji ndani
Huenda madaktari wakatoboa kiwambo chako cha sikio ili majimaji yatoke
Ni nini husababisha otitis midia ya serasi?
Maambukizi makali ya sikio ambayo hayaishi kabisa
Matatizo ya bomba la eustachian
Kawaida, unatoa shinikizo kwenye sikio lako la kati unapomeza. Kumeza husababisha bomba la eustachian kufunguka, mara 3 hadi 4 kwa dakika. Ikiwa bomba la eustachian limeziba, majimaji hujikusanya kwenye sikio lako la kati hivyo kiwambo chako cha sikio hakiwezi kusogea jinsi inavyopaswa.
Kuziba kwa bomba la eustachian hutokea pale mafua au mizio unaposababisha utando wa bomba la eustachian na matongo ya koo kuvimba. Matongo ya koo ni mkusanyiko wa tishu zinazosaidia kupambana na maambukizi na yako karibu na ncha ya bomba la eustachian.
Dalili za otitis midia ya serasi ni zipi?
Kuhisi sikio lako limejaa
Sauti ya mpasuko au mchakacho unapomeza kitu
Kupoteza uwezo wa kusikia vyema
Wakati mwingine, kutoweza kusimama wima
Ikiwa watoto wadogo wana otitis midia ya serasi pamoja na kupoteza uwezo wa kusikia kwa muda mrefu, wanaweza kupata ugumu wa kujifunza kuzungumza. Maambukizi ya majimaji kwenye sikio la kati pia huongeza hatari ya kupata maambukizi zaidi ya sikio (maambukizi makali ya sikio).
Je, madaktari wanawezaje kujua kuwa nina maambukizi ya majimaji kwenye sikio la kati?
Madaktari watafanya:
Kutazama sikio lako kwa taa ya mkononi (otoskopu)
Fanyiwa kipimo cha mawimbi ya sauti kubaini ikiwa una majimaji sikioni (kinachoitwa timpanometria)
Pimwa uwezo wako wa kusikia
Madaktari hutibu vipi otitis midia ya serasi?
Watu wengi hupata afueni bila matibabu. Dawa za kuua bakteria hazisaidii kutibu otitis midia ya serasi.
Ili kupunguza usumbufu wa uvimbe sikioni, unaweza kupumua nje ukiwa umefunga mdomo na kuziba pua.
Dalili zako zikidumu zaidi ya miezi 3, huenda daktari akafanya yafuatayo:
Kutoboa kiwambo cha sikio kutoa majimaji
Kuweka mrija mdogo kwenye kiwambo cha sikio lako ili hewa iingie na kuzuia majimaji kujirundika tena
Kukufanyia upasuaji ili kuondoa matongo ya koo
