Sikio la kati ni nafasi tupu nyuma ya kiwambo cha sikio lako. Sikio la kati lina mifupa 3 midogo ambayo hutuma mitetemo ya kiwambo cha sikio lako hadi kwenye neva za sikio la ndani.
Ndani ya Sikio
Maambukizi sugu ya sikio yenye usaha ni nini?
Maambukizi sugu ya sikio yanayotoa usaha ni maambukizi ya sikio la kati ambayo hudumu kwa zaidi ya miezi 3 na yana sifa zifuatazo:
Maambukizi ya sikio ambayo hayaondoki
Sikio lako haliumi lakini una majimaji mazito au usaha ukitoka kwenye sikio lako
Umepoteza uwezo wa kusikia, hali inayoweza kuwa ya kudumu
Madaktari watasafisha mfereji wa sikio lako na kukupa dawa za kuua bakteria za matone
Ni nini husababisha maambukizi sugu ya sikio yanayotoa usaha?
Kwa kawaida maambukizi sugu ya sikio yanaanza na maambukizi makali ambayo:
Huacha tundu kwenye kiwambo cha sikio lako ambacho hakiponi (kutoboka kwa kiwambo cha sikio)
Maambukizi sugu ya sikio yanayotoa usaha yanaweza kuzidi baada ya:
Kupata mafua
Maji yanaingia kwenye sikio lako la kati kupitia tundu la kiwambo cha sikio wakati unaoga kwenye maji mengi au kuogelea
Watoto walio na kasoro za kuzaliwa nazo kwenye uso wana hatari kubwa zaidi ya kupata maambukizi sugu ya sikio yanayotoa usaha.
Dalili za maambukizi sugu ya sikio yanayotoa usaha ni zipi?
Dalili za kawaida ni:
Majimaji mazito au usaha ukitoka kwenye sikio lako
Kupoteza uwezo wa kusikia
Ni matatizo gani yanayoweza kusababishwa na maambukizi sugu ya sikio yanayotoa usaha?
Kitundu kwenye kiwambo cha sikio kinaweza kuingiza bakteria hatari wanaosababisha maambukizi mabaya. Maambukizi hayo yanaweza kuharibu mifupa midogo iliyo kwenye sikio lako la kati ua kuenea kwenye mifupa ya fuvu ya karibu.
Baadhi ya watu walio na maambukizi sugu ya sikio yanayotoa usaha hupata kolestiatoma kwenye sikio la kati. Kolestiatoma ni uvimbe unaoonekana kama ngozi ambao hauna saratani. Kolestiatoma huongeza hatari ya wewe kupata matatizo makubwa, ikiwa ni pamoja na:
Kupoteza uwezo wa kusikia ambao haupati unafuu
Maambukizi kwenye sehemu zingine za sikio lako, mifupa ya fuvu lako au ubongo wako
Uharibifu kwenye neva inayodhibiti mwendo kwenye sura yako
Madaktari wanawezaje kujua ikiwa nina maambukizi sugu ya sikio yanayotoa usaha?
Madaktari watafanya kipimo cha kusikia na kutumia taa ya mkononi (otoskopu) ili kuangalia sikio lako:
Kuna usaha (majimaji mazito)
Kolestiatoma (ukuaji wa tishu inayofanana na ngozi kwenye sikio la kati)
Ikiwa madaktari wanashuku kuwa una kolestiatoma, wanaweza kufanya tomografia ya kompyuta (CT) au picha ya mwangwi wa sumaku (MRI).
Madaktari hutibuje maambukizi sugu ya sikio yanayotoa usaha?
Maambukizi sugu ya sikio yanayotoa usaha yanapozidi, madaktari wata:
Watasafisha mfereji wa sikio lako na sikio la kati
Watakupatia dawa ya matone ya sikio ya kuua bakteria
Watakupa dawa za kuua bakteria za kutumia kwa kinywa, ikiwa inahitajika
Ikiwa una tundu kwenye kiwambo cha sikio lako, watakuambia uondoe maji kwenye sikio lako.
Madaktari wanaweza pia kupendekeza upasuaji ikiwa una:
Kolestiatoma (ukuaji wa tishu inayofanana na ngozi kwenye sikio la kati)
