Koklea Iliyopandikizwa

Wakati mawimbi ya sauti yanafika kwenye sikio, yanakusanywa na sikio la nje lililo na umbo la faneli na kuelekezwa kwenye sikio la kati. Vile sauti inapita kwenye sikio la kati, mawimbi ya sauti yaligonga utando wa timpaniki au kiwambo cha sikio. Kisha mitetemo inasafiri kupitia sikio la kati na kufikia sikio la ndani lililojawa na kiowevu.

Sikio la ndani linajumuisha umbo muhimu linaloitwa koklea. Ndani ya koklea, mitetemo ya sauti husongesha nywele ndogo sana ambazo zimeambatishwa kwenye ufumwele wa neva. Kwa njia hii sauti zinageuzwa ziwe ishara ambazo zinatumwa kwenye ubongo wako kupitia neva ya kusikia.

Ugonjwa, kuharibika au kulemaa kwa seli za nywele za koklea ni kisababishaji cha kawaida cha kudhoofika kwa uwezo wa kusikia au kuwa kiziwi. Seli hizi za nywele ambazo hazifanyi kazi vizuri zinaweza kutuma ishara zisizo dhahiri au za kipindi kwenye neva ya kusikia au kutotuma ishara kwa kabisa. Kifaa kinachoitwa kifaa cha upandikizaji wa uti wa sikio kinaweza kurejesha uwezo wa kusikia kwa kurekebisha maumbo haya yaliyoharibika kwa kutumia waya ambayo imebandikwa kwenye koklea.

Ili kusisimua mchakato wa kusikia, mawimbi ya sauti kwanza yanapokewa kwa kutumia kitengo cha maikrofoni ambayo inaning'inia kwenye sehemu ya nyuma ya sikio. Kisha sauti zinapitishwa kupitia waya nyembamba hadi kwenye kichakati matamshi ambacho mara nyingi kinavaliwa kwenye mshipi. Kichakataji hiki kinaongeza na kuchuja sauti kabla ya kuigeuza iwe ishara za dijitali.

Ishara hizi za dijitali zinarudishwa tena kupitia waya sawa hadi kwenye kipitishaji kilicho kwenye kichwa. Kisha kipitishaji hutuma ishara za redio kwa kitengo cha kupokea kilichotiwa ndani chini tu ya ngozi ya kichwa. Kisha kitengo cha kupokea kinasisimua waya iliyobandikwa kwenye koklea, kivyo kuwezesha koklea kutuma ishara dhahiri hadi kwenye neva ya kusikia.

Ingawa upasuaji huharibu koklea daima, vifaa vya upandikizaji wa uti wa sikio vinaweza kuimarisha kwa sana uwezo wa kusikia, hata kwa watu ambao ni viziwi zaidi. Kuna matatizo kadhaa yawezekanayo yanayohusiana na utaratibu huu ambayo yanapaswa kujadiliwa na daktari kabla ya upasuaji.