Prostatic Hyperplasia Tulivu

Tezi dume ni, tezi ya mviringo mdogo wa mfumo wa uzazi wa kiume ambao upo mbele ya rektamu, sehemu ya chini ya kibofu cha mkojo. Kazi yake msingi ni kuachilia kiowevu hadi kwenye mrija wa mkojo wakati wa kumwaga manii. Wakati wa kumwaga manii, manii husafiri kutoka kwenye pumbu kuelekea juu na kurudi kwenye mwili kupitia kwenye neli inayoitwa vas deferens. Vas deferens inapitia nyuma ya kibofu cha mkojo hadi kwenye tezi ya tezi dume. Vile inasafiri kupitia mfumo wa uzazi wa kiume, manii huchanganyika na kiowevu cha semino, kijenzi kingine cha kumwaga manii, kutoka kwenye vyanzo vitatu - kilengelenge cha semino, tezi dume na tezi za bulbourethral. Kiowevu cha manii kisha husafiri kupitia kwenye mrija wa mkojo na kutoka kwenye mwili kupitia kwenye uume. Kwa kawaida, tezi ya tezi dume hukua vile mwanaume anakuwa mtu mzima. Ongezeko hilo la ukubwa linajulikana kama prostatic hyperplasia tulivu au BPH na kwa kawaida halisababishi matatizo yoyote hadi baadaye kabisa kwenye maisha. Dalili ya kawaida ya BPH ni badiliko linatotambulika katika kukojoa linalosababishwa na kuzuiwa kwa mrija wa mkojo na kupotea kwa utendaji wa kibofu cha mkojo. Isipotibiwa, BPH inaweza kusababisha maambukizi ya njia ya mkojo, kuhabirika kwa kibofu cha mkojo au figo, mawe ya kibofu cha mkojo au kushindwa kufanya kazi yake. Daktari anaweza kupendekeza matibabu mwafaka kulingana na ukali wa dalili.